Stønadsordning vidareført frå 2024
Det er særs gledeleg at FolkOrg også i år har fått midlar gjennom Norsk Musikkråd og Frifond Organisasjon - ekstraordinære midler. Dette gjer det mogeleg å vidareføre ordninga som fyrst vart innført i 2024. Stønadsordninga har som mål å senke terskelen for deltaking blant juniorar og C-klassingar på Landskappleiken og Landsfestivalen i gammaldansmusikk.


Dette er ei ordning som gjev støtte til lokallaga slik at dei kan dekke påmeldinga for juniorar og C-klassingar på Landskappleiken og Landsfestivalen, samt at lokallaget kan bidra med å dekke reiseutgifter/overnattingsutgifter for deltakande juniorar i samband med arrangementa. 

Målsetting
Målet med ordninga er å senke terskelen for deltaking på Landskappleiken og Landsfestivalen i gammaldansmusikk for juniorar og C-klassingar. 

Vilkår

  • Junioren må vere medlem i FolkOrg via eit lokallag. Juniorar som er direktemedlem i FolkOrg og har delteke på Landskappleiken eller Landsfestivalen, har dessverre ikkje moglegheit til å søkje om å få kompensasjon for deltakaravgift og dekke reise/overnattingsutgifter.
  • Lokallaga i FolkOrg kan få støtte til å dekke éi påmelding per C-klassing. Lokallaget kan i tillegg få støtte til vere med å dekke reiseutgifter. 
  • Junioren kan delta i anten junior- eller C-klasse, eller seniorklasser som lagspel senior og lagdans senior.
  • Lokallaga kan totalt få inntil 1000 kr per C-klassing for å dekke deltakaravgift og bidra til å dekke reiseutgifter. 
  • Deltek junioren på Landskappleiken og har bustadsadresse i Trøndelag, Nordland, Troms eller Finnmark kan laget få dekt opp til 2000 kr.
  • Deltek junioren på Landsfestivalen og har bustadsadresse i Rogaland, Agder, Nordland, Troms eller Finnmark, kan laget få dekt opp til 2000 kr.

Lokallaget si rolle
Eitt av premissa som kjem med denne ekstraløyvinga frå regjeringa, er at stønadsordninga skal komme lokallaga til gode i form av å senke terskelen for deltaking på kulturelle aktivitetar. Det er difor lokallaga som søkjer støtte på vegne av deltakaren. Det er likevel ikkje eit krav om at påmeldinga må gå gjennom lokallaget, men midlane som FolkOrg betalar ut, må vidareformidlast til enkeltpersonen via lokallaget.


Lokallaga kan søke stønad for så mange juniorar dei ønsker. For juniorar som deltek fleire gonger på same arrangement, får lokallaget kun refusjon for den første påmeldinga. Eit lokallag kan få kompensasjon for den same junioren på både Landskappleiken og Landsfestivalen. 

Utlysing
Utlysing med søknadsskjema vert publisert etter Landskappleiken og Landsfestivalen. Desse vil bli offentleggjort på heimesida til FolkOrg.

Lurar du på noko i samband med ordninga? Ta kontakt med Live Visdal i FolkOrg - live@folkorg.no / 974 15 515.

Foto: Runhild Heggem