FolkOrgs Aktivitetstilskot

FolkOrg sitt Aktivitetstilskot har som føremål å stø opp om lokal aktivitet, rekruttering og arrangement i heile landet.

Føremålet med denne ordninga er å kunne famne breitt og støtte lokal aktivitet i heile landet. FolkOrgs Aktivitetstilskot vert finansiert med 200 000 kr av FolkOrgs eigne midlar, samt 7,5% av inntektene på inngangsbilettar og deltakaravgift på fjorårets Landskappleiken og Landsfestivalen i gammaldansmusikk.

Denne tilskotsordninga skal vere ei lågterskel-ordning for medlemar i FolkOrg, og skal vere eit insentiv for lokale folkemusikk- og folkedansaktivitetar, og prosjekt og tiltak som har fokus på aktivitet, rekruttering og/eller opplæring.

Søknadsfrist 2026: 15. april

Økonomisk ramme 2026: kr. 440 000
Øvre søknadsgrense: kr. 20 000

Kvar søkjer eg?

Lenke til søknadsskjema finn du nederst på sida.

Kven kan søkje?

Enkeltmedlemer, lokallag, områdelag, faglag og arrangørar som er medlemer i FolkOrg.

Du kan lese meir om medlemskap her: Meld deg inn i FolkOrg Åpnes i nytt vindu.

Kva kan ein søkje tilskot til?

Aktivitetar som får tilskot gjennom ordninga skal vere opne og inkluderande, og må gjennomførast innan eitt år.

Tiltak som gjev aktivitet for mange av FolkOrgs medlemar, og/eller som fører til rekruttering og medlemsauke, vert særskilt prioriterte.

Døme på tiltak som kan få tilskot (i uprioritert rekkjefølgje):

• Dansefestar og/eller miljøkveldar
• Opplæringstiltak, kurs eller seminar
• Opne øvingar/kræsjkurs med fokus på å rekruttere nye medlemmar
• Kompensasjon for reise- og påmeldingskostnader til ungdom som vil delta på kurs og helgesamlingar
• Kurs/seminar for ungdom i styre- og organisasjonsarbeid
• Tiltak som fremjer inkludering og mangfald

Ordninga gjev ikkje tilskot til:

• Nasjonale arrangement
• Prosjekt som allereie er avslutta før søknadsfristen
• Innkjøp av utstyr eller instrument
• Prosjekt som har fått rekrutteringsmidlar frå Dextra Musica same år.

Budsjett

Søknaden skal innehalde finansieringsplan/budsjett for tiltaket og skal syne både planlagte inntekter og utgifter. Tiltaka bør syne til fleire inntektskilder i form av t.d. stønadsordningar, eigenkapital og billettinntekter/deltakaravgift.

Er du usikker på korleis du skal sette opp budsjettet? Klikk her for å sjå døme på budsjett! xlsx, 10.3 kB, åpnes i nytt vindu.

Rapportering

Rapport skal sendast inn når tiltaket er avslutta, seinast 1. mai året etter.

Rapporten skal kort omhandle:

• Korleis tiltaket vart gjennomført
• Kor mange som deltok på arrangementet/aktiviteten
• Økonomisk resultat av tiltaket

Har du spørsmål om ordninga? Ta kontakt med Live Visdal, live@folkorg.no , tlf: 974 15 515

Tidlegare tildelingar: 
Aktivitetstilskot 2025 pdf, 29.4 kB.
Aktivitetstilskot 2024 pdf, 13.1 kB.
Aktivitetstilskot 2023 pdf, 27.2 kB.
Aktivitetstilskot 2022 pdf, 24.8 kB, åpnes i nytt vindu.

Søknadsskjema

Her kan du sende inn søknadsskjema (lenkje). Lenke til et annet nettsted, åpnes i nytt vindu.