Utlysing Gnist-prisen 2026

No kan du sende inn nominasjonar til Gnist-prisen 2026. Fristen er 26. mai.

Kven fortener Gnist-prisen 2026?

Kjenner du eit lag eller eit prosjekt som gjer ein ekstra innsats for opplæring i folkedans for barn og unge? Då vil FolkOrg gjerne høyre frå deg!

FolkOrg deler på nytt ut Gnist-prisen, ein pris på 15 000 kroner, gjeven av Gnistfonden for Unge ved Eva Fischer. Prisen skal løfte fram godt og inspirerande arbeid som styrkar rekruttering og danseglede blant unge.

Gnist-prisen blir delt ut under Landskappleiken på Hovden i Setesdal i juni 2026.

Nominasjonsfrist: 26. mai 2026

Les meir om Gnist-prisen – og send inn din nominasjon her (lenkje).

Foto: Runhild Heggem