Utlysing av ei 50%-stilling som prosjektmedarbeider og produsent

Vil du jobbe i ein organisasjon som skapar blest og engasjement for folkemusikk og folkedans? Vil du vere med på laget for å utvikle og drifte ulike prosjekt i organisasjonen?

Vi byr på ei spennande og variert stilling for deg som er oppteken av folkemusikk og folkedans.

FolkOrg søkjer ein engasjert og handlekraftig prosjektmedarbeidar til å arbeide med varierte oppgåver i organisasjonen. Vedkommande får ansvaret for å drifte og bidra i ulike av FolkOrgs prosjekt.

Arbeidet vil gå føre seg i tett samarbeid med dei andre tilsette i organisasjonen.

Døme på oppgåver i stillinga:

• Ansvar og varierte arbeidsoppgåver, planleggings- og koordineringsarbeid knytt til ulike prosjekt i organisasjonen
• Handsaming av tilskotsordningar i organisasjonen
• Produsent og koordineringsarbeid på Folkelarm i tett samarbeid med prosjektleiar
• Generelt SoMe-, marknadsføring- og pressearbeid
• Medlemskontakt

Ønska kvalifikasjonar:

• Høgare utdanning innan folkemusikk/Folkedans, kulturleiing eller organisasjonsarbeid.
• Kjennskap til folkemusikk- og folkedansfeltet.
• Erfaring frå folkemusikk- og folkedansfeltet, enten på det friviljuge eller profesjonelle planet.
• Prosjektleiing og prosjektdrifting.
• Ein god penn og godt språk - både på nynorsk og bokmål. Må også vere trygg i engelsk.
• Evne til informasjonsstrategisk tenking og sjølvstendig arbeid.
• Kompetanse og erfaring frå publisering og sosiale medium.
• God evne til dialog med folk i det friviljuge feltet.
• Kompetanse på grafisk formgjeving og t.d. bruk av Canva, inDesign osb.

Anna info:

Arbeidsstad er på FolkOrg sitt kontor i Møllergata 39 i Oslo.

Løn etter avtale. Den tilsette vil bli innlemma i organisasjonen sin pensjonsavtale.

Næraste overordna er dagleg leiar. Ein må rekne med noko ugunstig arbeidstid knytt til somme arrangement iløpet av året, t.d. landsmøte, Folkelarm, Landskappleiken og Landsfestivalen.

I tråd med utvikling i organisasjon og administrasjon kan det kome justeringar i ansvarsområdet for stillinga.

SØK PÅ STILLINGA PÅ FINN.NO. Lenke til et annet nettsted, åpnes i nytt vindu.