Ressursside for laga i FolkOrg

Her er relevante ressurssider for laga i FolkOrg.

Her har vi samla ein del ressursar knytt til lokallagsarbeid.

Til drifta av eit lokallag skal det eigentleg ikkje så mykje til. Ein må ha vedtekter, ein må halde årsmøte, som må gje ei godkjent årsmelding og eit godkjent rekneskap. Dette treng ikkje vere avansert.

Det er også lurt å få ein person utanom styret til å sjå over, altså gjere ein revisjon av rekneskapen. Nokre tilskotsordningar krev ei revisjonsberetning, t.d. momskompensasjonsordninga. Døme på ei revisjonsberetning kan du sjå HER xlsx, 18.6 kB..

Tilskotsordningar

Sjølv om arbeid i lokallaga og områdelaga stort sett er friviljugt arbeid, trengs det ofte pengar til drift, innleiing av instruktørar, osv. Det er veldig mange tilskotsordningar. FolkOrg har nokre sjølv, så er det ordningar som de har moglegheit til å søke på fordi de er medlem hos oss, og så er det mange andre tilskotsordningar ellers. Oversikt over dei mange tilskotsordningane finn du her: Tilskotsordningar

TONO

Alle som har offentleg framføring av musikk må forholde seg til TONO. Også vi som driv med folkemusikk. Står lokallaget som arrangør av ein open kulturkveld, konsert, dansekveld, e.liknanda, må de i dei aller fleste tilfelle forholde dykk til TONO. Dette har vi laga eigne ressurssider på. Alt om arbeid med rapportering knytt til TONO finn de her.

Leiar i laget

Hausten 2025 kom FolkOrg med ressursheftet "Leiar i Laget". Alle lokallag fekk tilsendt dette. Men alle medlemar i FolkOrg kan også få dette heilt gratis mot porto, eller hente ut der FolkOrg har stand i løpet av året - feks på Landskappleiken, Landsfestivalen i gammaldansmusikk, seminarhelg, landsmøtehelg, osv. Eller kom innom kontoret vårt i Møllergata 39.

Lokalkappleik

Det er mange av FolkOrg sine lokallag som arrangerer ulike kappleikar. Her er ei ressursside for dette: Lokalkappleik - tips og triks Åpnes i nytt vindu.

Andre ressursar

Frivillighet Norge har gode nettressursar om korleis ein gjennomfører årsmøte, og nyttige verkty og maler som ein kan trenge i samband med årsmøte: Frivilliget Norge Lenke til et annet nettsted, åpnes i nytt vindu.

I følgande økonomihåndbok for friviljuge organisasjonar er det veldig mykje informasjon - og mykje som er veldig bra. Men merk at ho er frå 2006, så noko regelverk kan vere endra sidan da: Økonomihandbok for frivilllige organisasjoner Åpnes i nytt vindu.

Her er ein ressurs frå Norsk senter for folkemusikk og folkedans om det å skrive ein god søknad: Korleis skrive god søknad Lenke til et annet nettsted, åpnes i nytt vindu.

Canva er eit gratis designverkty på nett. Her kan ein lage informasjonsmateriell: Canva Lenke til et annet nettsted, åpnes i nytt vindu.

Rekrutteringsarbeid og god drift av lokallagets aktivitetar er særs viktige. I 2025 kom Kulturrettleiaren, som gjev deg mange gode tips og god vegleiing. Her finn du meir info om denne.