Registrer deg som yrkesutøvar

Dersom du er medlem i FolkOrg og definerer deg sjølv som yrkesutøvar innan folkemusikk og -dans, ønskjer vi at du registrerer deg som det hjå oss.

Gruppa av yrkesutøvarar er særskild nemnd i vedtektene til FolkOrg og er definert slik:
”Med yrkesutøvar meiner ein utøvarar som har inntekt av folkemusikk og/eller folkedans”. 
Pedagogar innan feltet og instrumentmakarar reknast og som yrkesutøvarar i FolkOrg.

Jamfør vedtektene som gjeld i dag, kan yrkesutøvarane sende inntil 10 delegatar til årsmøtet og har minimum 2 representantar i styret, minst ein av desse skal sitje i AU. Som ein konsekvens av at NFD og LfS slutta seg saman og danna FolkOrg, er det viktig at FolkOrg held fram det gode arbeidet NFD gjorde for yrkesutøvarane. Samstundes skal FolkOrg halde fram det gode arbeidet med lokallaga som LfS gjorde. Behova til dei to gruppene er ulike, samstundes som dei er gjensidig avhengige av kvarandre.

Det er fleire årsaker til at vi ønskjer å registere yrkesutøvarane:

• Det vil vere eit fellesskap innad i medlemsmassa til FolkOrg som har felles interesser, ønsker og arbeidsmåter.
• Ha ei gruppe å velje styremedlem og utsendingar til årsmøtet ut frå.
• Vere ei gruppe av medlemar som sentralleddet kan rådføre seg med i saker som gjeld yrkesutøvarar.
• Det er nyttig å ha tal på kor mange yrkesutøvarar som finst på feltet, og kva dei er utøvarar i, slik at vi enklare kan sende ut viktig informasjon til denne gruppa

FolkOrg arbeider på vegne av - og for - yrkesutøvargruppa. Noko av det FolkOrg gjer er:

• Kulturpolitisk arbeid
• Samarbeid med MFO og utdanningsinstitusjonane
• Opphavsrettar
• Samarbeid kring Folkelarm og andre bransjetreff i Europa
• Arbeide ilag med arrangørane
• Fagleg påfyll og erfaringsutveksling

Ynskjer du å registrere deg som yrkesutøvar, gjer du det i skjemaet nedanfor: